Englishابدأ مجانًا
ابدأ مجانًاتسجيل الدخولEnglish

الخصوصية

شات بوت مصمَّم وفق نظام حماية البيانات الشخصية (PDPL)

قبل ما تحط وكيل ذكاء اصطناعي قدّام عملائك، من حقك تعرف وين تروح بياناتهم. هنا نكتب بالضبط وش نسوي اليوم، بدون شهادات مستعارة ولا كلام عام.

ابدأ مجانًااطّلع على الأسعار

آخر تحديث

كيف يحمي جنتال بياناتك وبيانات عملائك؟

  • محفوظة في السعودية

    البيانات والمستندات وفهارس البحث في منطقة me-central2 من Google Cloud بالدمام.

  • كل مساحة عمل معزولة

    قاعدة البيانات تربط كل سجل بمساحة عمله (عزل على مستوى السجل)، فلا يوصل أحد لبيانات غيره.

  • لا ندرّب على محتواك

    نستخدم نماذج رائدة عبر واجهات تجارية تستثني بياناتك من التدريب.

  • تعليمات محميّة

    الوكيل يتجاهل التعليمات المدسوسة داخل المستندات، وما يكشف تعليماته، وما يطلع عن نطاق عملك.

  • على مواقعك فقط

    واجهة المحادثة ما تشتغل إلا على النطاقات اللي تحددها، ولكل زائر جلسة قصيرة مستقلة.

  • أدوار وصلاحيات

    كل عضو في فريقك يشوف ويسوي اللي تسمح له فيه، والأدوات اللي تغيّر شيء تبقى مطفّية حتى تسمح بها.

  • إخفاء الأرقام الحساسة

    لما يرسل العميل ملفًا أو صورة، تنخفي أرقام الهوية والإقامة والجواز والآيبان والبطاقات مما يحفظه الوكيل.

  • سجل واضح

    سجل المحادثات يوضح وش انسأل الوكيل ووش الأدوات اللي اشتغلت، وتختار كم تحفظ التسجيلات الصوتية وملفات العملاء.

وين تروح البيانات بالضبط؟

الفرق بين «محفوظ» و«تتم معالجته» مهم، فنكتبه بوضوح:

البياناتوش يصير لها
ملفاتك وصفحات موقعكمحفوظة في السعودية مع فهارس البحث، داخل مساحة عملك فقط
محادثات العملاءمحفوظة في السعودية، ويشوفها فريقك حسب الصلاحيات
المقاطع المتعلقة بالسؤالتُرسَل إلى مزوّد نموذج الذكاء الاصطناعي لمعالجتها وكتابة الإجابة، وفق شروط تستثنيها من التدريب
ملفات العملاء وتسجيلاتهمتُقرأ للمحادثة نفسها، ما تدخل مكتبة المعرفة، وتنحذف حسب إعداد الحفظ اللي تختاره

وش هو نظام حماية البيانات الشخصية (PDPL)؟

نظام حماية البيانات الشخصية هو النظام السعودي اللي ينظّم جمع البيانات الشخصية واستخدامها وحفظها ونقلها، وتشرف عليه الهيئة السعودية للبيانات والذكاء الاصطناعي (سدايا). فكرته ببساطة: اجمع اللي تحتاجه بس، وقل للناس ليش تجمعه، واحمه، ولا تنقله خارج المملكة إلا وفق الضوابط.

لما تشغّل شات بوت، أنت (صاحب النشاط) غالبًا المسؤول عن بيانات عملائك، والمنصة اللي تستخدمها تعالجها نيابة عنك. عشان كذا لازم تسأل أي مزوّد شات بوت أسئلة واضحة قبل ما تبدأ، وهذي أهمها.

أسئلة اسألها لأي مزوّد شات بوت عن حماية البيانات

قائمة تثقيفية عامة تنفعك مع أي مزوّد، مو بس جنتال:

  • وين تنحفظ بياناتي ومستنداتي ومحادثات عملائي؟ داخل السعودية أو خارجها؟
  • هل فيه بيانات تتم معالجتها خارج المملكة (مثل نماذج الذكاء الاصطناعي)؟ وش يوصل لها بالضبط؟
  • هل تُستخدم بياناتي لتدريب النماذج؟ وهل هذا مكتوب في شروط المزوّد؟
  • كيف تُعزل بياناتي عن بيانات العملاء الثانيين؟
  • مين في فريقي يقدر يشوف المحادثات؟ وهل فيه أدوار وصلاحيات؟
  • كم مدة حفظ المحادثات والملفات والتسجيلات؟ وهل أقدر أغيّرها أو أحذفها؟
  • وش يصير لو أرسل العميل رقم هوية أو آيبان أو تقرير طبي؟
  • كيف يحمي الوكيل نفسه من التعليمات المدسوسة في الملفات أو الرسائل؟
  • هل المزوّد «متوافق» فعلًا بشهادة، أو «مصمَّم وفق» النظام؟ اطلب الوضوح وما تكتفي بشعار.

هذي الصفحة مو استشارة قانونية

المعلومات هنا عامة وتثقيفية، وما تغني عن مستشار قانوني يعرف نشاطك. جنتال مصمَّم وفق نظام حماية البيانات الشخصية، وليس حاصلًا على شهادة امتثال. مسؤوليتك كصاحب نشاط (مثل إبلاغ عملائك وسياسة الخصوصية حقتك) تبقى عندك.

الأسئلة الشائعة

أسئلة تتكرر علينا

هل جنتال متوافق مع نظام حماية البيانات الشخصية؟

جنتال مصمَّم وفق نظام حماية البيانات الشخصية (PDPL): البيانات محفوظة في السعودية ونجمع الضروري فقط. لكنه ليس حاصلًا على شهادة امتثال، ولا نقول غير كذا.

وين تنحفظ بيانات الشات بوت؟

في السعودية، في منطقة me-central2 من Google Cloud بالدمام. ولكتابة الإجابة، تُرسَل المقاطع المتعلقة بالسؤال إلى مزوّد النموذج لمعالجتها.

هل تُستخدم محادثاتي لتدريب الذكاء الاصطناعي؟

لا. نستخدم النماذج عبر واجهات تجارية تستثني بياناتك من التدريب.

هل يقدر عميل يشوف بيانات عميل ثاني؟

لا. كل مساحة عمل معزولة في قاعدة البيانات، وملفات العملاء تُقرأ للمحادثة نفسها فقط وما تدخل مكتبة المعرفة.

هل أقدر أحذف التسجيلات والملفات بسرعة؟

إيه، تختار من إعدادات الخصوصية: حذف التسجيلات بعد تحويلها لنص وملفات العملاء بعد قراءتها، أو حفظها 30 أو 90 يوم.

تعرّف على وكيلك اللطيف

ابنِ وكيلك الأول على مستنداتك اليوم، والبداية مجانية.

ابدأ مجانًاتواصل معنا